پشاور میں ناصرباغ تھانے کی حدود میں جمعہ خان چیک پوسٹ پر نامعلوم حملہ آوروں نے دستی بم پھینکا۔
تفصیلات کے مطابق حملہ آوروں نے چیک پوسٹ پر فائرنگ کی اور دستی بم پھینکے تاہم پولیس اہلکاروں کی جوابی کارروائی کے بعد نامعلوم حملہ آور فرار ہوگئے۔ پولیس کے مطابق چوکی سے دو دستی بم برآمد ہوئے ہیں تاہم کوئی جانی نقصان نہیں ہوا۔پولیس نے واقعے کی تحقیقات شروع کر دی ہیں اور حملہ آوروں کی شناخت کے لیے سی سی ٹی وی فوٹیج کا جائزہ لیا جا رہا ہے۔
