ایک شخص نے گھریلو جھگڑے پر خاندان کے چار افراد کو قتل کر دیا۔
ذرائع کے مطابق ضلع سانگھڑ کے جھول تھانے کی حدود میں ایک شخص لکھو بھیل نے خاندانی جھگڑے کے دوران فائرنگ کر کے اپنے بھائی، بہن اور بہنوئی کو قتل کر دیا۔
پولیس حکام کے مطابق ملزم واردات کے بعد جائے وقوعہ سے فرار ہوگیا۔جس کی گرفتاری کے لیے چھاپے مارے جارہے ہیں۔
ذرائع کا کہنا ہے کہ مقتولین کی لاشوں کو مقامی ہسپتال منتقل کر دیا گیا ہے۔ تاکہ رسمی کارروائی مکمل کی جا سکے۔
حال ہی میں کراچی کے علاقے لی مارکیٹ میں ایک رہائشی عمارت کے اپارٹمنٹ سے تین خواتین اور ایک کمسن بچی سمیت چار لاشیں ملی ہیں۔
لیاری میں لی مارکیٹ کے قریب زینب آرکیڈ کی ساتویں منزل سے گلے کٹے لاشیں ملی ہیں۔
پولیس نے بتایا کہ چاروں متاثرین کے گلے تیز دھار ہتھیار سے کاٹے گئے ہیں۔ پولیس کے مطابق لاشوں پر تشدد کے نشانات بھی ہیں۔
مقتولین کی شناخت علینہ 13 سال، مدیحہ 18، عائشہ 19 اور شہناز 51 سال کے نام سے ہوئی ہے۔
