اکتیس مارچ تک حکمہ موسمیات نے ملک بھر میں تیزآندھی اور بارش کی پیش گوئی کرتے ہوئے الرٹ جاری کردیا۔
تفصیلات کے مطابق کراچی میں آج بھی موسم گرم اورخشک ہے جبکہ لاہور میں صبح سویرے ٹھنڈی ہواؤں کے ساتھ بارش نے موسم خوشگوار بنادیا ہے۔محکمہ موسمیات نے آج سے اتوار اکتیس مارچ تک ملک بھر میں تیزآندھی اور بارش کی پیش گوئی کردی ہے اور اس حوالے سے الرٹ بھی جاری کردیا ہے۔
اس کے علاوہ اسلام آباد، راولپنڈی، سیالکوٹ، نارووال، لاہور، قصور، اوکاڑہ، فیصل آباد، مری اور گلیات سمیت پنجاب، خیبرپختونخوا، گلگت بلتستان اور کشمیر میں بھی بارش کا امکان ہے جبکہ مری سمیت پہاڑی علاقوں میں لینڈ سلائیڈنگ کا خطرہ ہے۔
