حریت رہنما الطاف حسین وانی کا کہنا ہے کہ مقبوضہ کشمیر میں جبری گمشدگیاں وبا کی صورت اختیار کر چکی ہیں۔
ورلڈ مسلم کانگرس اور کشمیر انسٹی ٹیوٹ آف انٹرنیشنل ریلیشنز کی جانب سے اقوام متحدہ کی انسانی حقوق کونسل کے 57ویں اجلاس کا انعقاد کیا گیا، اجلاس میں دنیا بھر سے انسانی حقوق کے علمبرداروں اور سفارت کاروں سمیت دیگر شخصیات نے شرکت کی۔
اس موقع پر اقوام متحدہ میں ورلڈ مسلم کانگریس کے مستقل نمائندے اور حریت پسند رہنما الطاف حسین وانی کا کہنا تھا کہ جبری گمشدگیوں کا منظم استعمال انسانیت کے خلاف جرم ہے۔
الطاف حسین وانی نے کہا کہ جبری گمشدگیاں کشمیر میں وبا کی صورت اختیار کر چکی ہیں، جبری گمشدگیوں سے متاثرہ خواتین کو اب”آدھی بیوا”یا”آدھی بیوی”کے لقب سے پکارا جاتا ہے۔
مقررین نے عالمی برادری سے جبری گمشدگی کے معاملے کا نوٹس لینے اور بھارت کو کیفر کردار تک پہنچانے کا مطالبہ کیا۔
