خیبرپختونخوا میں موسلادھار بارشوں کی باعث دریائے چترال میں اونچے درجے کا سیلاب ہے۔ سیلاب نے پل، پولیس چوکی، مکانات، مساجد، باغات اور فصلیں تباہ کر دی ہیں۔
چترال کی گولین وادی میں سیلابی ریلہ 16 گھروں کو بہا لے گیا جبکہ لوئر چترال میں بارشوں اور سیلاب کے پیش نظر دفعہ 144 نافذ کردی گئی ہے۔ چترال میں پہاڑوں سے آنے والے پانی نے ندی نالوں کو بپھرا دیا اور دریا میں سیلاب آ گیا۔ سیلابی ریلے سے چترال، مستوج، شندور روڈ بند ہوگیا ہے۔ سیلابی ریلا پولیس چوکی کے ساتھ ساتھ کوغزی پل کو بھی بہا لے گیا۔ ضلعی انتظامیہ کے مطابق بارشوں کا سلسلہ بند اور راستے بحال ہوتے ہی واٹر سپلائی اسکیم کی بحالی کا کام شروع کردیا جائے گا۔
