ضلع راولپنڈی کے تھانہ چونترہ کی حدود میں ایک گاڑی پر فائرنگ کےنتیجے میں آٹھ سالہ بچی سمیت تین افراد جاں بحق ہوگئے۔ پولیس کے مطابق مقتولین کی گاڑی پر فائرنگ مخالف فریق کی جانب سے کی گئی۔ جاں بحق ہونے والوں میں شجاع یونس، عاطف اور انابیہ شامل ہیں جبکہ فلک شیر، ثاقب اور تابندہ زخمی ہیں۔
لاشوں کو پوسٹ مارٹم اور زخمیوں کو علاج کیلئے اسپتال منتقل کر دیا گیا ہے، جبکہ سی پی او نے واقعے کا نوٹس لیتے ہوئے ملزمان کی فوری گرفتاری کا حکم دے دیا۔
