پاکستانی ٹیلی ویژن کے مشہور اداکار مظہر علی انتقال کر گئے ہیں۔
ذرائع کے مطابق پاکستانی اداکار مظہر علی دل کے عارضے میں مبتلا تھے۔جس کے باعث وہ نجی اسپتال میں زیر علاج تھے۔
ذرائع کا کہنا ہے کہ اہل خانہ نے مظہر علی کے انتقال کی تصدیق کردی ہے،اور کہا ہے کہ مرحوم کی نماز جنازہ آج بعد مغرب طیبہ مسجد ناظم آباد نمبر 3 میں ادا کی جائے گی۔
پاکستان کے مشہور اداکار مظہر علی نے اپنے کیرئیر کا آغاز ڈرامہ ‘افشاں’ اور ‘عروسہ’ سے کیا،انہوں نے اس کے علاوہ پی ٹی وی کے ڈرامے ‘گرہ’ اور ‘ہالہ’ سمیت دیگر ڈراموں میں اداکاری کے جوہر بھی دکھا کر ناظرین کے دلوں میں جگہ بنائی۔
