سابق وزیر اعظم آزاد کشمیر کی آبائی یونین کونسل سربالہ چکار میں رات گے گورنمنٹ بوائز انٹر کالج کے ملازم راجہ نقاش کو فائرنگ کرکے قتل کر دیا گیا۔
پولیس کے مطابق نقاش نامی شخص کے ساتھ موٹر سائیکل سوار اسامہ نامی شخص کو پولیس نے گرفتار کرلیا ہے ۔ اسامہ رشتے میں نقاش کا بھتیجا ہے۔ اسامہ کے بقول فائر کی آواز رات ساڑھے آٹھ بجے سنائی دی جب کہ اسامہ نے واقعہ کی اطلاع رات دو بجے دی۔
مقتول نقاش کا پوسٹ مارٹم ڈسٹرکٹ ہیڈ کوارٹر ہسپتال بالا میں کیا گیا۔ مقتول نقاش سابق وزیر اعظم آزادکشمیر راجہ فاروق حیدر کے رشتے میں بھانجے لگتے ہیں۔ پولیس کا کہنا ہے کہ مقتول نقاش کو تیس بور کے پستول سے تین گولیاں ماری گئیں۔ ہٹیاں بالا۔پولیس نے دعویٰ کیا ہے ملزم کو چوبیس گھنٹے کے اندر اندر ٹریس کرلیاجائے گا۔
