آٹھ فروری کو ہونے والے انتخابات کے حوالے سے مختلف سیاسی جماعتوں کی جانب سے جلسے ،ریلیوں کا انعقاد کیا جارہاہے۔
عام انتخابات 2024 میں صرف چار دن باقی رہ گئے ۔ملک بھر میں عام انتخابات کی تیاریاں زور شور سے جاری ہیں۔ شہر شہر ،قریہ قریہ سیاسی رہنماں جلسے ،ریلیاں اور کارنر میٹنگز کا اہتما م کررہے ہیں۔انتخابی مہم کے سلسلے میں پاکستان مسلم لیگ ن آج گوجرانوالہ میں پاور شو کررہی ہے۔
جناح سٹیڈیم گوجرانوالہ میں ہونے والے جلسے سے لیگی قائد نواز شریف، شہباز شریف اور مریم نواز سمیت مرکزی قائدین خطاب کریں گے۔جلسہ گاہ میں تمام تر انتظامات مکمل کر لئے گئے ہیں، سٹیڈیم کے اطراف میں پارٹی قائدین کی تصویروں والے فلیکسز نصب کر دیئے گئے۔ پنڈال میں پارٹی پرچموں کی بہار آگئی ہے، اس موقع پر سکیورٹی کے بھی سخت انتظامات کئے گئے ہیں۔دوسری جانب پاکستان پیپلز پارٹی آج میرپور خاص کے گاما سٹیڈیم میں طاقت کا مظاہر ہ کرے گی۔جلسے سے چیئرمین پاکستان پیپلز پارٹی بلاول بھٹو زرداری اور دیگر قائدین خطاب کریں گے۔
