اسلام آباد تھانہ شالیمار کے علاقہ میں مقتول وقار عباسی کو اسلحہ آتشیں سے فائرنگ کرکے قتل کرنے والے تین ملزمان کو گرفتار کر لیا گیا۔
ملزمان نے 16جون کو وقار عباسی کو تھانہ شالیمار کے ایریا سیکٹر ای الیون ٹو میں گولیاں مار کرقتل کردیا تھا۔ ملزمان یاسر کمال، طاہر حسین اور عمان خان نے مقتول کو سابقہ دشمنی پر قتل کردیا۔ واضح رہے کہ ملزمان سے واردات میں استعمال ہونے والی گاڑی اور مو ٹر سائیکل کو قبضہ پولیس میں لے لیا گیا۔
ڈی آئی جی اسلام آباد سید علی رضا نے وقوعہ کا نوٹس لے کر ملزمان کی جلد از جلد گرفتاری کے احکامات جاری کئے تھے۔ پولیس نے قتل میں ملوث ملزمان کو ٹریس کرنے کے لئے جدید ٹیکنالوجی اور انسانی ذرائع کا استعمال کیا۔
ملزمان کی گرفتاری پر آئی جی اسلام آباد سید علی ناصر رضوی اور ڈی آئی جی اسلام آباد کی پولیس ٹیم کو شاباشی دی۔ ی آئی جی اسلام آباد سید علی رضا کا کہنا تھا کہ ملزمان کو ٹھوس شواہد کی روشنی میں چالان عدالت کرکے قرار واقعی سزا دلوائی جائے گی۔
