اسلام آباد ہائی کورٹ (آئی ایچ سی) نے پاکستان تحریک انصاف (پی ٹی آئی) کے بانی عمران خان اور شاہ محمود قریشی کی سزا کے خلاف اپیلیں سماعت کے لیے مقرر کر دیں۔
چیف جسٹس عامر فاروق اور جسٹس میاں گل حسن اورنگزیب 21 مئی کو سماعت کریں گے۔ خیال رہے کہ چیف جسٹس کی عدالت میں کاز لسٹ منسوخ ہونے کے باعث 15 مئی کو سماعت نہیں ہوسکی تھی۔ آئندہ سماعت پر وفاقی تحقیقاتی ادارے (ایف آئی اے) کے اسپیشل پراسیکیوٹر حامد علی شاہ کے دلائل مکمل ہونے کا امکان ہے۔ پراسیکیوٹر کے دلائل مکمل ہونے کے بعد بانی پی ٹی آئی کے وکلاء اپنے دلائل دیں گے۔
