منگل کو اے آر وائی نیوز نے باخبر ذرائع کے حوالے سے رپورٹ کیا کہ پاکستان انسٹی ٹیوٹ آف میڈیکل سائنسز (PIMS) کی تین رکنی میڈیکل ٹیم نے پاکستان تحریک انصاف (پی ٹی آئی) کے بانی عمران خان کی اہلیہ بشریٰ بی بی کو فٹ قرار دیا۔
ذرائع نے بتایا کہ پمز کی تین رکنی ٹیم بشمول ڈاکٹر بشریٰ لیاقت، ڈاکٹر حرا طاہر اور ڈاکٹر سدرہ نے بنی گالہ سب جیل میں بشریٰ بی بی کا تیزابیت اور سینے میں درد کی شکایت کے بعد ان کا معائنہ کیا۔ذرائع کے مطابق سابق خاتون اول کو فٹ قرار دیتے ہوئے انہیں کھانے پینے میں احتیاط برتنے کا مشورہ دیا گیا۔ پمز کے ڈاکٹروں نے رپورٹ اعلیٰ حکام کو بھجوا دی۔
