محکمہ موسمیات کا کہنا ہے کہ ملک کے بیشتر اضلاع میں آئندہ کچھ روز تک موسم خشک اور سرد ریے گا۔ بالائی علاقوں میں بارش اور برفباری کا امکان جبکہ میدانی علاقے دھند کی لپیٹ میں رہیں گے۔
ملک میں خون جما دینے والی سردی کا راج ہے۔ میدانی علاقے دھند کی لپیٹ میں جبکہ بالائی علاقوں نے سفیدی کی چادر اوڑھ لی۔ ملک میں موسم سرما کے رنگ نظر آنے لگے۔ کہیں بارش اور کہیں برف باری سے سردی کی شدت میں مزید اضافہ ہو گیا۔ بالائی علاقوں میں پہاڑوں پر برفباری کے حسین مناظر سے مقامی لوگ اور سیاح خوب لطف اندوز ہو رہے ہیں ۔
کشمیر کے بعض علاقوں میں درجہ حرارت نقطہ انجماد سے گرنے کے باعث ندی نالے اور چشمے جم گئے ۔ شدید سردی کی وجہ سے سیاحوں کی آمد ورفت بند ہوگئی ۔ سیاحت سے جڑے لوگوں کے کاروبار بھی ٹھپ ہو کر رہ گئے ۔ خشک سردی کے باعث موزی بیماریوں کے خطرات بھی بڑھ گئے ہیں۔ پنجاب اور سندھ میں دھند کے ڈھیرے ہیں۔ متعدد ٹرینیں اور پروازیں تاخیر کا شکار جبکہ کئی کو منسوخ کر دیا گیا۔
