جنوبی افریقا کے سابق کپتان ڈین ایلگر نے دعویٰ کیا ہے کہ ایک میچ کے دوران سابق بھارتی کپتان ویرات کوہلی نے ان پر تھوکا تھا
یوٹیوب چینل پر ہونے والے پوڈکاسٹ میں ڈین ایلگر سے سوال پوچھا گیا کہ ‘کیا آپ کی کبھی کوہلی یا ایشون سے لڑائی ہوئی ہے؟’ جس کے جواب میں ڈین ایلگر نے انکشاف کیا کہ ‘یہ میرا اور کوہلی کا پہلا سامنا تھا جب ہم بھارت میں دو ٹیسٹ میچز کھیلنے گئے تھے، بھارت کی وہ وکٹیں مذاق تھیں، جب میں بیٹنگ کے لیے آیا تو ایشون اور جڈیجا کے خلاف خود کو سنبھالے ہوئے تھا کہ کوہلی نے مجھ پر تھوکا‘۔ ایلگر کا کہنا تھا ’میں نے گالی دیتے ہوئے کوہلی سے کہا کہ اگر دوبارہ ایسا کیا تو میں بلے سے تمیہں ماروں گا‘۔
سابق کپتان نے پوڈکاسٹ میں بتایا کہ ’اس واقعے کے دو سال بعد کوہلی نے مجھے کہا کہ سیریز کے بعد کیا ہم جاکر ڈرنک پی سکتے ہیں، میں اپنے کیے کے لیے معافی مانگنا چاہتا ہوں اور انھوں نے اپنے نامناسب رویے کے لیے معذرت کی۔
