لیفٹیننٹ جنرل ہدایت الرحمن نے چیئرمین پبلک سروس کمیشن کے عہدے کا حلف اٹھا لیا۔ صدر آزادجموں و کشمیر بیرسٹر سلطان محمود چوہدری نے چیئرمین پبلک سروس کمیشن لیفٹیننٹ جنرل(ر) ہدایت الرحمان سے اُن کے عہدے کا حلف لیا۔ اس موقع پر ہدایت الرحمن نے اپنے عہدے کو بڑی امانت سے سنبھالنے اور عوام کی خدمت کرنے کا عہد کیا۔
کشمیر ہاؤس اسلام آباد میں حلف برداری کی پروقار تقریب منعقد ہوئی جس میں وزیر اعظم آزاد حکومت ریاست جموں وکشمیر چوہدری انوار الحق، وزراء حکومت، صدارتی مشیر، چیف سیکرٹری آزاد کشمیر، پرنسپل سیکرٹری، سیکرٹری صدارتی اُمور، سیکرٹری پبلک سروس کمیشن سمیت اعلی حکومتی افسران نے شرکت کی۔
