این اے 18 اور پی کے 45 (ہری پور) میں نامعلوم افراد نے عمر ایوب خان اور اکبر ایوب خان کے بینرز کی جگہ مختلف انتخابی نشانات لگا دیئے۔
نمایاں مقامات پر آویزاں بینرز اور پوسٹرز میں عمر ایوب کا انتخابی نشان لیپ ٹاپ کی بجائے ٹیبل کے طور پر دکھایا گیا ہے۔ اسی طرح کبوتر کے بجائے اکبر ایوب کا انتخابی نشان تھرمس لگا دیا گیا۔
آزاد امیدوار کے طور پر الیکشن لڑنے والے دونوں امیدواروں کو پی ٹی آئی کی حمایت حاصل ہے۔ اطلاع ملنے پر دونوں امیدواروں کے حامیوں نے لوگوں کو گمراہ کرنے کے لیے لگائے گئے بینرز اور پوسٹرز اتار دیے۔
