بلوچستان کے ضلع خضدار میں دو گاڑیاں خوفناک طریقے سے آپس میں ٹکرائیں جس کے نتیجے میں آگ بھڑک اٹھی اور 4 افراد جھلس کر جاں بحق ہو گئے۔
زرائع کے مطابق بلوچستان میں آج علی الصباح خوفناک ٹریفک حادثہ ہوا ہے جس نے چار قیمتی انسانوں جانوں کو نگل لیا ہے۔
مقامی رپوٹر کے مطابق یہ افسوسناک واقعہ ضلع خضدار کے کرخ ایریا میں پیش آیا جہاں دو گاڑیاں آپس میں ٹکرا گئیں۔ یہ تصادم اتنا شدید تھا کہ اس کے نتیجے میں دونوں گاڑیوں میں آگ بھڑک اٹھی اور اس میں سوار چار افراد جھلس کر جاں بحق ہو گئے۔
حادثے کی اطلاع ملتے ہی ریسکیو ادارے اور پولیس جائے حادثہ پر پہنچ گئی اور لاشوں کو ٹیچنگ اسپتال خضدار منتقل کیا۔ ریسکیو عملے کا کہنا ہے کہ جاں بحق 2 افراد کا تعلق باغبانہ، ایک کا کوشک خضدار اور ایک کا پنجگور سے بتایا جاتا ہے
