پاکستان کے اسٹار بلے باز بابر اعظم انٹرنیشنل کرکٹ کونسل (آئی سی سی) کی ٹیسٹ بلے بازوں کی رینکنگ میں تیسری پوزیشن پر برقرار ہیں۔
آئی سی سی کی جانب سے جاری کردہ تازہ ترین رینکنگ کے مطابق رینکنگ میں نیوزی لینڈ کے کین ولیمسن بدستور پہلے نمبر پر ہیں جب کہ انگلینڈ کے جو روٹ دوسرے نمبر پر ہیں۔ انگلینڈ کے ہیری بروک تین درجے بہتری کے ساتھ 7ویں اور انگلینڈ کے زیک کراؤلی تین درجے بہتری کے ساتھ 13ویں نمبر پر پہنچ گئے۔
ہندوستان کے روی چندرن اشون ٹیسٹ گیند بازوں میں پہلے نمبر پر براجمان ہیں۔انگلینڈ کے جیمز اینڈرسن نے اپنا ٹیسٹ کیریئر آٹھویں نمبر پر ختم کیا جب کہ شاہین آفریدی ٹیسٹ بولنگ رینکنگ میں نویں نمبر پر ہیں۔ٹیسٹ آل راؤنڈرز میں بھارت کے رویندرا جدیجا بدستور پہلے نمبر پر ہیں۔
