مظفر آباد: آزاد کشمیر کے وزیراعظم چوہدری انوارالحق کے اقتدار کا سورج ڈوبنے کے قریب ہے۔ ان کے خلاف کے خلاف تحریک عدم اعتماد کے لیے قانون ساز اسمبلی کے اراکین کی تعداد پوری ہوگئی۔
سابق وزیراعظم آزاد کشمیر راجہ فاروق حیدر نے میڈیا سے گفتگو میں کہا کہ چوہدری انوارالحق کے خلاف تحریک عدم اعتماد کے لیے درکار اراکین کی تعداد پوری ہوگئی ہے اور اب نواز شریف اور صدر زرداری فیصلہ کریں گے کہ آزاد کشمیر کا اگلا وزیراعظم کون ہو گا۔ انہوں نے کہا کہ تحریک عدم اعتماد کسی بھی وقت آسکتی ہے، ان کا مزید کہنا تھا کہ انوارالحق کو جو قوتیں لائیں ان سے بہت بڑی غلطی ہوئی ہے۔
