اٹک پولیس کے ترجمان کے مطابق شادی کی تقریب میں اونچی آواز میں ساؤنڈ سسٹم پر ناچ گانے کی محفل سجا کر اہل محلہ کا سکون برباد کرنے پر 12 افراد کو گرفتار کرلیا گیا ۔
پولیس کے مطابق گرفتار افراد میں 3 خواتین اور دلہا کے 2 بھائی بھی شامل ہیں ،شادی والے گھر سے ساؤنڈ سسٹم ضبط کرکے مقدمہ درج کرلیا گیا ہے ۔
ترجمان اٹک پولیس کے مطابق قانون کی خلاف ورزی کرنے والوں کے خلاف بلاامتیاز کارروائیاں جاری رہیں گی اور عوام کے سکون میں خلل ڈالنے کی اجازت کسی صورت نہیں دی جائے گی ۔
