الیکشن ٹربیونل نے خواجہ سرا نایاب علی کو الیکشن لڑنے کے اہل قرار دیتے ہوئے انکی کاغذات منظوری کےخلاف دی گئی اپیل کو خارج کر دیا۔
واضح رہے کہ ملتان کے ووٹرخواجہ سرا ندیم الظفر نے نایاب علی کےکاغذات نامزدگی کو چیلنج کیا تھا۔ اپیل پر سماعت اسلام آباد ہائیکورٹ کے الیکشن اپیلٹ ٹربیونل کے جسٹس ارباب محمد طاہر نے کی اور انھوں نے کاغذات نامزدگی منظور ہونے کےخلاف دی گئی اپیل کو خارج کرتے ہوئے خواجہ سرا کے کاغذات نامزدگی منظورکرنے سے متعلق ریٹرننگ افسرکا فیصلہ برقرار رکھا۔
