ضلع مانسہرہ کے علاقے شنکیاری میں مکان میں زوردار دھماکہ ہوا. دھماکے میں 2 افراد جاں بحق جبکہ 2 شدید زخمی ہو ئے ہیں۔ زخمیوں کو فوری طبی امداد کیلئے ہسپتال منتقل کر دیا گیا ہے۔
پولیس کا کہنا ہے کہ ابتدائی رپورٹ کے مطابق دھماکہ بارودی مواد پھٹنے کےباعث ہوا۔ مزید تحقیقات جاری ہیں۔ زخمیوں کو فوری طبی امداد کیلئے کنگ عبداللہ ہسپتال منتقل کر دیا گیا۔ جاں بحق ہونے والوں میں سیف الاسلام ولد گل محمد اور اشفاق ولد محمد سائیں شامل ہیں۔
