وفاقی وزیر برائے امور کشمیر و گلگت بلتستان امیر مقام کا 24 اپریل کو ہونے والا گلگت بلتستان کا دورہ اسلام آباد میں ناگزیر سرکاری مصروفیات کے باعث ملتوی کر دیا گیا۔ ایک پریس ریلیز میں کہا گیا ہے کہ جلد ہی نئی تاریخ کا اعلان کیا جائے گا۔ وفاقی وزیر برائے امور کشمیر و گلگت بلتستان کا عہدہ سنبھالنے کے بعد انجینئر امیر مقام کا گلگت بلتستان کا یہ پہلا دورہ ہوگا۔
دورے کے دوران وفاقی وزیر گورنر گلگت بلتستان، وزیر اعلیٰ گلگت بلتستان، کابینہ کے ارکان، چیف سیکرٹری اور گلگت بلتستان حکومت کے اعلیٰ حکام سے ملاقاتیں کریں گے۔ وفاقی وزیر نے کہا کہ وہ گلگت بلتستان کے عوام کے مسائل کے بارے میں اعلیٰ حکام سے بات کریں گے۔
