عام انتخابات میں پولنگ کے بعد نتائج آنے کا سلسلہ مکمل ہو گیا ۔ قومی و صوبائی اسمبلیوں کے نتائج سامنے آ گئے ہیں۔
عام انتخابات 2024 کے غیر حتمی اور غیر سرکاری نتائج کے مطابق قومی اسمبلی میں تحریک انصاف کے حمایت یافتہ آزاد امیدوار ترانوے نشستیں لے کر سب سے آگے ہیں جبکہ مسلم لیگ پجہتر اور پیپلز پارٹی نے اب تک چوون نشستیں حاصل کی ہیں۔ اس کے علاوہ متحدہ قومی موومنٹ پاکستان سترہ، دیگر آزاد امیدوار آٹھ ، مسلم لیگ (ق)تین، جمعیت علمائے اسلام چار، استحکام پاکستان پارٹی اور بلوچستان نیشنل پارٹی نے دو ،دونشستیں حاصل کیں۔ جبکہ پشتونخوا ملی عوامی پارٹی، مسلم لیگ ضیا، نیشنل پارٹی، پشتونخوا نیشل عوامی پارٹی پاکستان، بلوچستان عوامی پارٹی اور مجلس وحدت المسلمین کے حصے میں ایک ایک نشست آئی۔
