ایبٹ آباد میں محکمہ جنگلات کی پک اپ گہری کھائی میں گرنے سے ایک شخص جاں بحق اور دو دیگر زخمی ہو گئے۔
تفصیلات کے مطابق ایبٹ آباد کے علاقے ٹھنڈیانی میں محکمہ جنگلات کی پک اپ معمول کی گشت پر تھی کہ کھائی میں جاگری جس کے نتیجے میں ایک سیکیورٹی گارڈ موقع پر ہی جاں بحق اور دو زخمی ہوگئے۔اطلاع ملتے ہی ریسکیو ٹیمیں موقع پر پہنچ گئیں اور جاں بحق اور زخمیوں کو قریبی اسپتال منتقل کیا۔ ریسکیو ذرائع کے مطابق جاں بحق ہونے والے شخص کی شناخت ذیشان شاہ کے نام سے ہوئی ہے۔
