ایبٹ آباد میں باولے کتوں کے کاٹنے کی وجہ سے 4 بچے زخمی ہو گئے ہیں۔
سیاحتی مقام ایبٹ آباد میں باولے کتوں کی بھرمار چھا گئی۔ان کتوں کے کاٹنے کے باعث 4 بچے شدید زخمی ہو گئے ہیں جبکہ اس کے باعث اہالیان علاقہ شدید پریشان اور خوف وہراس میں ٘مبتلا ہے۔
ذرائع کے مطابق ایبٹ آباد کے علاقے ملکپورہ میں باولے کتوں کے کٹانے کے باعث چار بچے شدید زخمی ہوئے ہیں۔ ملکپورہ سمیت دیگر کئی علاقوں میں بھی باولے کتوں کی بھرمار چھائی ہوئی ہے۔
ان کی وجہ سے نمازیوں کو مسجد جانے میں بھی مشکلات کا سامنا کرنا پڑرہا ہے۔
ذرائع کے مطابق باولے کتوں کے کاٹنے سے زخمی ہونے والے تمام بچوں کو ہسپتال میں منتقل کردیا گیا ہے،گذشتہ کئی دنوں سے باولے کتوں نے ایک درجن سے زائد افراد کو کاٹ کر شدید زخمی کیا ہے۔
ڈسٹرکٹ اینڈ ہیڈ کوارٹر ہسپتال میں ویکسین بھی ناپید ہو گئی ہے، اہلیان علاقہ نے ٹی ایم اے سے باولے کتوں کو ٹھکانے لگانے کا مطالبہ کردیا ہے۔
