امریکی ریاست فلوریڈا میں دل دہلا دینے والا حادثہ ، طیارہ کریش لینڈنگ کے دوران گاڑی سے ٹکرا گیا۔
حادثے میں 2 افراد ہلاک ہو گئے۔ غیرخبر رساں ادارے کے مطابق فلوریڈا میں مسافر طیارے کے دونوں انجن فیل ہونے کے باعث پائلٹ نے ہنگامی لینڈنگ کی کوشش کی اور لینڈنگ کے وقت طیارہ گاڑی سے ٹکرا کر تباہ ہو گیا ۔ گاڑی سے ٹکرانے کے بعد طیارے میں آگ بھڑک اٹھی۔خوف ناک شعلے اور دھواں فضا میں میلوں دور تک دیکھا گیا۔اس ہولناک حادثے میں دو افراد ہلاک ہو گئے ہیں۔ نجی مسافر بردار طیارے میں 5 افراد سوار تھے۔ عینی شاہدین کا کہنا تھا کہ انھوں نے طیارے کو نیچے گرتے دیکھا سڑک پر اترنے کے بعد اس کی زد میں ایک کار آئی جسے گھسیٹتے ہوئے طیارہ قریبی دیوار سے ٹکرا گیا اور تباہ ہو گیا۔
