نوشہرہ میں نامعلوم مسلح افراد نے سرکاری گاڑی پر فائرنگ کی ہے ، فائرنگ سے مانسہرہ کے اسسٹنٹ کمشنر عادل وسیم شدید زخمی ہوگئے، زخمی اے سی کو تشویشناک حالت میں ہسپتال منتقل کردیا گیا ہے ۔
پولیس حکام نے بتایا کہ فائرنگ کا واقعہ نوشہرہ میں چراٹ روڈ جلوزئی پناہ کوٹ میں پیش آیا جہاں نامعلوم مسلح ملزمان نے ایک سرکاری گاڑی کو فائرنگ کا نشانہ بنایا ۔
پولیس کے مطابق فائرنگ سے اسسٹنٹ کمشنر مانسہرہ عادل وسیم زخمی شدید ہوگئے جنہیں فوری طور پر پشاور کے ہسپتال منتقل کردیا گیا ہے، اسسٹنٹ کمشنرکوپشاور جاتے ہوئے نشانہ بنایا گیا ہے، واقعے کی تحقیقات شروع کرکے ملزمان کی تلاش بھی جاری ہے ۔
