خیبرپختونخوا کے سابق کابینہ اراکین کے زیر استعمال سرکاری گاڑیاں تاحال واپس نہ ہونے کا انکشاف ہوا ہے۔
ذرائع کے مطابق صوبے میں ایمرجنسی لگنے کے باوجود سابق وزراء کے پاس سرکاری گاڑیاں ہیں.
بعض سابق وزراء، مشیروں اور معاونین خصوصی کے پاس 3 سے 4 سرکاری گاڑیاں بھی ہیں۔
اس کے علاوہ سابق پارلیمانی سیکرٹریوں کے پاس بھی سرکاری گاڑیاں ہونے کا انکشاف ہوا ہے۔
ذرائع نے مزید بتایا کہ بعض نجی سوشل میڈیا شخصیات کے زیر استعمال بھی سرکاری گاڑیاں ہیں.
کچھ سابق کابینہ اراکین سرکاری گاڑیاں واپس کر چکے ہیں۔
ذرائع کے مطابق متعلقہ حکام کی جانب سے گاڑیوں کی واپسی کے معاملے کا جائزہ لیا جا رہا ہے۔
