پشاور: خیبرپختونخوا میں سکیورٹی فورسز کی عزمِ استحکام ویژن کے تحت فتنہ الخوارج کے خلاف مؤثر کارروائیاں جاری ہیں۔
سکیورٹی ذرائع کے مطابق سکیورٹی فورسز کی شمالی وزیرستان میں کامیاب انٹیلی جنس بیسڈ کارروائی میں 5 خوارج جہنم واصل جبکہ 2 زخمی ہو گئے۔
سکیورٹی ذرائع نے بتایا کہ سکیورٹی فورسز نے شمالی وزیرستان اور گردونواح میں فتنہ الخوارج کے ٹھکانوں کو کامیابی سے نشانہ بنایا۔
سکیورٹی فورسز نے فتنہ الخوارج کی نقل و حرکت پر مسلسل نگرانی رکھتے ہوئے ان کے خلاف فیصلہ کن کارروائی کی۔
سکیورٹی ذرائع کا کہنا ہے کہ سکیورٹی فورسز عزمِ استحکام ویژن کے تحت دہشت گردی کے مکمل خاتمے اور پائیدار امن کے قیام کے لیے پرعزم ہیں۔
