استور میں شاہراہ استور پر شدید لینڈ سلائیڈنگ کی زد مین آکر 2 افراد زخمی ہوگئے جبکہ اس دوران متعدد گاڑیوں کو نقصان بھی پہنچ گیا، مقامی انتظامیہ نے مسافروں کو غیر ضروری سفر سے گریز کرنے کی ہدایت کردی ۔
استور میں شدید بارشوں کے باعث پہاڑ سے بھاری پتھر سڑک پر آ گرے،حادثے دو افراد کے زخمی ہونے کی اطلاع ہے جبکہ کئی گاڑیوں کو نقصان بھی پہنچا ہے ۔
ضلعی انتظامیہ نے بروقت کارروائی کرتے ہوئے لینڈ سلائیڈنگ سے متاثرہ سڑک کو ٹریفک کے لیے بحال کردیا، انتظایہ نے ہدایت کی ہے کہ مسافر علاقے میں غیر ضروری سفر سے گریز کریں ۔
انتظامیہ کے مطابق متاثرہ مقامات پر نگرانی بڑھا دی گئی، دورانِ سفر مسافر احتیاطی تدابیر اختیار کریں، کسی بھی ہنگامی صورتحال سے نمٹنے کے لیے انتظامات مکمل طور پر تیار ہے ۔
دوسری جانب محکمہ موسمیات نے استور سمیت گلگت بلتستان کے مختلف علاقوں میں مزید بارشوں اور لینڈ سلائیڈنگ کی پیشگوئی کی ہے ۔
