نائب وزیرِاعظم و وزیرِ خارجہ سینیٹر محمد اسحاق ڈار نے آج انڈونیشیا کے وزیرِ خارجہ سوگیونو کے ساتھ ٹیلیفونک گفتگو کی۔
ترجمان دفترخارجہ کے مطابق گفتگو کے دوران علاقائی اور بین الاقوامی صورتحال کے ساتھ ساتھ باہمی دلچسپی کے امور پر تبادلۂ خیال کیا گیا۔
دونوں رہنماؤں نے پاکستان اور انڈونیشیا کے درمیان مضبوط برادرانہ تعلقات کا اعادہ کرتے ہوئے باہمی رابطے برقرار رکھنے پر اتفاق کیا۔
