ڈپٹی کمشنر ایبٹ آباد سرمد سلیم اکرم کی زیرِ صدارت ڈی ایس سی آئی ایم یو ہیلتھ کا ایک اہم اجلاس ڈپٹی کمشنر آفس کے کانفرنس روم میں منعقد ہوا، جس میں محکمہ صحت کی مجموعی کارکردگی اور گزشتہ اجلاس کے فیصلوں پر عملدرآمد کا تفصیلی جائزہ لیا گیا۔
اجلاس کے دوران ڈی ایچ کیو ہسپتال، بنیادی مراکز صحت (BHUs)، ٹائپ ڈی ہسپتالوں اور فیملی ویلفیئر کلینکس کی کارکردگی پر جامع بریفنگ دی گئی۔ ادویات کی دستیابی، ڈی ٹی ایل مشینوں کی استعداد، صفائی کی صورتحال اور مریضوں کو فراہم کی جانے والی سہولیات کا بھی تفصیلی جائزہ لیا گیا۔
ڈپٹی کمشنر نے ڈی ایچ او آفس میں مشینری کی فعالیت بہتر بنانے، ادویات کی بروقت فراہمی یقینی بنانے اور تمام ہیلتھ فسیلٹیز میں سہولیات کی بہتری کے لیے متعلقہ افسران کو واضح ہدایات جاری کیں۔ انہوں نے بہتر کارکردگی دکھانے والے عملے کی حوصلہ افزائی کرتے ہوئے کہا کہ عوام کو معیاری طبی سہولیات کی فراہمی اولین ترجیح ہے۔
اجلاس میں میڈیکل آفیسرز کی مراکز صحت میں حاضری یقینی بنانے اور جنرل ڈیوٹی سسٹم کو مزید مؤثر بنانے پر زور دیا گیا۔ غیر ضروری جنرل ڈیوٹیز کے خاتمے اور عملے کو ان کی اصل ذمہ داریوں پر تعینات کرنے کی ہدایت بھی دی گئی، جبکہ خلاف ورزی کی صورت میں شوکاز نوٹسز جاری کرنے کا حکم دیا گیا۔
عمل میں لائی جائے اور فوری رپورٹ پیش کی جائے۔ ادویات کی مسلسل فراہمی کے لیے مؤثر حکمت عملی اپنانے پر بھی زور دیا گیا۔
پاپولیشن ویلفیئر ڈیپارٹمنٹ کے حوالے سے بوئی، موہری بدبینڑ اور تاجوال میں تعینات سٹاف کو فوری طور پر اپنی اصل ڈیوٹی اسٹیشنز پر واپس بھیجنے اور فیملی ویلفیئر کلینکس کو فعال بنانے کے لیے سٹاف کی ری شفلنگ کی ہدایت جاری کی گئی۔
مزید برآں، غیر حاضر سٹاف اور ڈاکٹرز کے خلاف قانون کے مطابق سخت کارروائی کی ہدایت دی گئی، جبکہ اس حوالے سے ڈائریکٹر اور سیکرٹری پاپولیشن ویلفیئر کو فوری ایکشن لینے کے لیے مراسلہ ارسال کرنے کا فیصلہ بھی کیا گیا۔
اجلاس میں ایم ایس ڈی ایچ کیو، ڈسٹرکٹ ہیلتھ آفیسر ایبٹ آباد، ڈسٹرکٹ پاپولیشن ویلفیئر آفیسر، ڈی ایم او آئی ایم یو ہیلتھ، ہیلتھ کوآرڈینیٹرز اور دیگر متعلقہ افسران نے شرکت کی۔ ضلعی انتظامیہ ایبٹ آباد عوام کو معیاری طبی سہولیات کی فراہمی اور صحت کے نظام میں بہتری کے لیے عملی اقدامات کو یقینی بنا رہی ہے۔
