ایبٹ آباد میں ضلعی انتظامیہ نے ڈرون کی خرید و فروخت اور استعمال پر دفعہ 144 نافذ کردی گئی،اعلامیے کے مطابق پابندی دو ماہ کے لیے نافذ رہے گی ۔
ایبٹ آباد: نوٹیفکیشن کے مطابق ضلعی انتظامیہ نے سکیورٹی خدشات کے پیش نظر ڈرون اُڑانے پر مکمل پابندی عائد کی، یہ پابندی دو ماہ کے لیے نافذ العمل رہے گی ۔
ضلعی انتظامیہ کے نوٹیفکیشن میں مزید کہا گیا ہے کہ احکامات کی خلاف ورزی کرنے والوں کے خلاف کارروائی کی جائےگی ۔
ایبٹ آباد کی ضلعی انتظامیہ نے مقامی لوگوں سے اپیل کی ہے کہ عوام مشکوک سرگرمی کی اطلاع فوری پولیس یا کنٹرول روم کو دیں ۔
