راولپنڈی کے علاقہ ڈھوک کالا خان اور فیض آباد میں پی ٹی آئی کارکنوں نے پولیس پر پتھراؤ کیا، جس کے نتیجے میں متعدد پولیس اہلکار زخمی ہوئے۔ زخمی اہلکاروں کو فوری طور پر قریبی اسپتال منتقل کیا گیا۔ پولیس کے مطابق مظاہرین کی جانب سے قانون نافذ کرنے والے اداروں پر حملے کے بعد کشیدگی میں اضافہ ہوا۔
فیض آباد میں پی ٹی آئی کارکنوں نے اسلام آباد میں داخل ہونے کی کوشش کی، لیکن پولیس کی بھاری نفری کے باعث ناکام رہے۔ مظاہرین نے غصے میں آکر پولیس پر پتھراؤ کیا۔
پولیس نے کہا کہ "کسی شرپسند کو قانون ہاتھ میں لینے کی اجازت نہیں دی جائے گی۔ شرپسند عناصر کے خلاف سخت کارروائی کی جائے گی اور انہیں قانون کے مطابق نمٹایا جائے گا۔ پولیس نے واضح کیا کہ کسی بھی غیر قانونی سرگرمی یا ہنگامہ آرائی کو برداشت نہیں کیا جائے گا اور قانون کی خلاف ورزی کرنے والوں کے خلاف سخت کارروائی کی جائے گی۔
