اسرائیلی نے ایران کیلئے جاسوسی کے الزام میں اپنے ہی شہری کو حراست میں لے لیا۔
اسرائیلی میڈیا کے مطابق اسرائیلی حکام نے دعویٰ کیا ہے ولادیمیر ویرہوسکی نامی اسرائیلی شہری نے ایران کیلئے جاسوسی اور رقم وصول کرنے کا اعتراف کرلیا ہے۔
اسرائیلی حکام کے مطابق ولادیمیر نے 1 لاکھ ڈالر میں اسرائیلی سائنسدان کو قتل کرنے پر بھی رضامندی ظاہر کی تھی۔
اسرائیلی حکام نے یہ بھی دعویٰ کیا کہ ایران کی اسرائیلیوں کو جاسوسی کیلئے بھرتی کرنے کی کوشش ناکام بنادی گئی ہے۔
اسرائیلی حکام کا مزید کہنا تھا کہ ایرانی نیٹورک اسرائیلی شہریوں کو جاسوسی کیلئے بھرتی کرنے کا کام کرتا تھا۔
