مظفرآباد میں مسافر کوسٹر گہری کھائی میں گرنے کے باعث 7 افراد جاں بحق جبکہ تین زخمی ہوگئے۔
پولیس ذرائع کے مطابق مسافر وین مظفرآباد سے کیل گراں جا رہی تھی کہ منجہوتر کے مقام پر ڈرائیور سے وین بے قابو ہوکر گہری کھائی میں جاگری۔
پولیس کا کہنا ہے کہ حادثے کی اطلاع ملنے پر پولیس اور ریسکیو کی ٹیمیں موقع پر ہی پہنچ گئیں اور مقامی افراد کی مدد سے لاشوں اور زخیموں کو نکالا۔
پولیس ذرائع نے مزید بتایا کہ ضروری کارروائی کے بعد میتیں لواحقین کے حوالے کر دی گئیں جبکہ واقعے سے متعلق مزید تفتیش جاری ہے۔
