ملک بھر میں بارشوں کے باعث چھتیں گرنے، کرنٹ لگنے اور دیگر حادثات میں 10 افراد جاں بحق ہوگئے اور کئی زخمی ہوئے۔
فیصل آباد میں چک جھمرہ کے علاقے میں فیکٹری کی چھت گرنے سے تین مزدور ہلاک ہوگئے، جبکہ ایک زخمی اسپتال میں زیر علاج ہے۔ فیصل آباد میں ہی دوسرے واقعات میں ایک خاتون جاں بحق اور چار افراد زخمی ہوئے۔
تاندلیانوالہ میں بھی ایک خستہ حال چھت گرنے سے خاتون جاں بحق اور دو افراد زخمی ہوگئے۔
لیاقت پور میں کرنٹ لگنے کے دو واقعات میں ایک خاتون اور ایک نوجوان چل بسے۔
چنیوٹ میں چھتیں گرنے سے تین مختلف واقعات میں چھ افراد زخمی ہوئے جنہیں اسپتال منتقل کردیا گیا۔
ڈجکوٹ کے فاروق آباد میں ایک کمرے کی چھت گرنے سے مزدور کی 30 بکریاں ہلاک ہوگئیں۔
