بھارت نے ایرانی سپریم لیڈر آیت اللہ سید علی خامنہ ای کے بھارتی مسلمانوں سے متعلق بیان کو غلط اور ناقابل قبول قرار دے دیا۔
ایرانی سپریم لیڈر خامنہ ای نے مسلمانوں پر ہونے والے ظلم کا ذکر کرتے ہوئے بھارتی مسلمانوں کو فسلطین میں رہنے والوں کے ساتھ جوڑا تھا۔
جس پر بھارتی وزارت خارجہ کا خامنہ ای کے بیان کی مذمت کرتے ہوئے کہنا تھا کہ وہ دوسروں کے بارے میں ایسی بات کرنے سے پہلے اپنے ریکارڈ کو بھی دیکھیں۔
خامنہ ای نے سماجی رابطے کی ویب سائٹ ایکس پر اپنی پوسٹ میں کہا تھا کہ ہم اپنے آپ کو مسلمان نہیں سمجھ سکتے اگر ہم ان ظلم و ستم سے غافل ہیں جو ایک مسلمان میانمار، غزہ، بھارت یا کسی اور جگہ برداشت کر رہا ہے۔
خامنہ ای کا مزید کہنا تھا کہ اسلام دشمنوں نے ہمیشہ ایک اسلامی امت کے طور پر ہمارے مشترکہ تشخص کے حوالے سے ہمیں لاتعلق کرنے کی کوشش کی ہے۔
